Сириядағы бетоннан тұрғызылған түрмеден сыртқа шыққандардың кейбірінің бет-бейнесі қорқынышты фильмдегі зомби тәрізді еді. Енді біреулері жылдар бойы көрмеген туыстарын құшақтап, солқылдап жылап тұр. Бұл адамдар жұрт арасында "адам қасапханасы" аталып кеткен Сейдная түрмесінен бостандыққа шықты.
10 желтоқсан – адам құқығы күні. Маржан Аспандиярова, Макс Боқай, Ғалым Ағелеуов жеке тәжірибесіне сүйеніп, Қазақстанда құқық қорғаушы болудың қиындығы қандай, елдегі адам құқығы ахуалы қалай деген сұраққа жауап берді.
АҚШ қаржы министрлігі Өзбекстан үкіметінің бұрынғы үш лауазымды қызметкеріне санкция салды.
Азаттық пен серіктестері жүргізген зерттеу Ресей күштері Беларусьте "фильтрация лагерін" басқаратынын анықтады. Бұл лагерь түбінде авторитар президент Александр Лукашенконың үкіметі басқаратын компания территориясында орналасқан.
Өзбекстанда әйелге қатысты көкейкесті мәселе биік мінбелерден айтылып жүрсе де, жағдай оңалмай отыр дейді қоғам белсенділері. Олар отбасындағы әлімжеттік әйелді қоғамның тең құқықты мүшесі ретінде қабылдамайтын патриархал елдегі гендерлік зомбылықтың бір бөлігі екенін айтып отыр.
Биыл қыркүйек айында соғысқа қарсы ресейлік белсенді, 19 жастағы Павел Владимировтің Қазақстанда ұсталғаны өткен аптада ғана мәлім болды. Белсенді Ресейден тамыз айында кеткен, оған террористік ұйым жұмысын ұйымдастырды деген айып тағылған. Бұған украиналық Ольга есімді қызбен хат алмасуы себеп болса керек. Сибирь.Реалии сайтына берген сұхбатында Ольга екеуара хаттарында саясат туралы сөз болмағанын, Павел туып-өскен Воронеж қаласынан Ольгамен кездесу үшін ғана кетпек болғанын айтты.
Қазір Лондонда тұратын қазақ Ербақыт Отарбайұлы қазан айының аяғында Босния және Герцеговина астанасы Сараевода өткен Дүниежүзілік ұйғырлар конгресінде сөз сөйледі. Ол 2017-19 жылдары Қытайдың батысындағы Шыңжаң аймағындағы лагерьде шеккен азабы жайлы айтқан.
Түркістан облысы Сарыағаш аудандық әкімшілік соты күніне жүзден аса еңбек мигрантын "көші-қон заңын бұзды" деген айыппен жауапқа тартып жатыр. Олар – Өзбекстан мен Тәжікстан азаматтары. Мигранттар "іс тым баяу қаралып жатқанын, көбіне депортация жасалғанын" айтып шағынды.
24-27 қазан аралығында Сараевода өткен Әлемдік ұйғыр конгресі жиынында Қытайдың Шыңжаң өлкесінде тұратын ұйғырлардың тағдыры сөз болды. Азаттық жиын қарсаңында Әлемдік ұйғыр конгресі ұйымның директоры Зумретай Аркиннен сұхбат алды.
Өзбекстанның сұрауымен ұсталып, Қазақстанда бір жыл қамауда отырған төрт қарақалпақ белсенді АҚШ-қа жетті. Ташкент "конституциялық құрылымды бұзуға талпынды" деп айыптаған олар өздеріне пана болатын ел іздеп, мұхит асуға мәжбүр болды.
Өткен аптада қос қырғыз журналисі ұзақ мерзімге түрмеге жабылды. Олар өзгелердің батылы жетпеген тақырыпты қозғап, Садыр Жапаров режимінің непотизмін әшкерелеген еді. Бірақ президент пен оның серіктері де журналистерге тоқтау салу үшін ешнәрседен тайынбайтынын көрсетті.
Тағы
